Mini chline High-Lights uf mim Läbeswäg:

01. Novämber 2006: Hüt hani bereits 2 Cherzli ufem Chueche. Wenn's Föteli git, chame si scho gli go aluege.

27. Mai 2006: Vo Afang a isch de link für de Text vom Beatles Song z'gseh gsi, aber total inaktiv. Das isch sit hüt anders. (Äntli, gopf)

13. April 2006: Scho lang nüt meh gschriebe, aber vo hüt a chame s'Wätter gseh wo z'Spreitebach herrscht. (me chönnt au veruse luege...)

22. Novämber 2005: äntli hed de Neni mini Higlights ergänzt und die neuschte z'vorderst füre gstellt.

1. Novämber 2005: So, jetz isch äntli es ganzes Cherzli ufem Chueche

5. Oktober 2005: Laufe isch ab sofort keis Problem meh.

21. Septämber 2005: hüt hani mini erschte 2 Schrittli sälber gmacht

8. Juli 2005: Bim Nani chani scho ganz eleige d'Stäge uf chrüche

19. Juni 2005: rette sich wer kann, ich chan chrüüüche.

1. Juni 2005: Hüt hed de Pappi Geburi, aber ich bin 7 Mönet älter

13. Mai 2005: ab in Süde vo Frankriech, mini erschte Ferie, cool

1. Mai 2005: Hüt wär eigentlich es halbs Cherzli fällig gsi....

29. April 2005: Mit em Trip Trap chani jetz mit de ander am Tisch ässe

19. April 2005: sit hüt chani ganz eleige Sitze

2. April 2005: Mega cool, im Laufstuehl i de Chuchi ume z'rase

21. März 2005: D'Natalie vo Australie hed is Gäschtebuech gschriebe

13. März 2005: Ich han min erschte Zahn - autsch! und han s'Nani bisse.

27. Januar 2005: Äntli sind d'Bildli vo de Taufi au druff - gang go luege!

16. Januar 2005: Hüt am Sunntig bini tauft worde

02. Januar 2005: es sind Bildli vo de Wiehnacht derzue cho

01. Januar 2005: hüt isch Neujahr und bi de Bilder gseht me jetz die Neuschte zersch! (ämel meh oder weniger...) Es guets Neus!

25. Dezember 2004: mini erscht Wiehnacht und d'Stube volle Lüt

10. Dezember 2004: hüt isch mini Hompäitsch bekannt gäh worde

01. Dezember 2004: hüt bini scho 1 Monet alt

27. November 2004: am 12:50 isch's Gästebuech "sägmer öppis" on-line

18. November 2004: am 21:00 isch der erschti Wurf vo minere Homepage on-line

am 1. November 2004 am 09:18 het alles agfange:
Mit 50,5 cm und 3.85 kg bin ich im KS Baden acho